Historie
Firda Billag er ei samanslutning av mange transportselsap i Sogn og Fjordane. Firda Billag vart stifta med formål å drive passasjer- og godstransport frå Sognefjorden i sør til Nordfjorden i nord i oktober 1920, og er dermed eit av landet sine eldste selskap innan vegtransport.
Namnet vårt representerer røtene våre, kvar vi kjem frå og kva vi er. Firda eller Firðir var det gammelnorske namnet på området mellom Sogn og Sunnmøre, og betyr fjordene. Billag er samansett av bil – forkortinga av automobil, og lag – eit selskap, ein samanslutning, det å eige noko i lag.
Billaget vart stifta ei tid då innanlandstransporten vart utført med hest, og det var eit stort behov for effektive transportløysingar for både gods og reisande.
1920
Trong for ein effektiv passasjer – og godstransport mellom fjordane
Fram til byrjinga av 1900-talet var om lag all transport til og frå Bergen med dampskip via sjøvegen til kai i Sogn og Fjordane og deretter med hest inn i landet. Etter kvart som ein starta å bygge veg kunne ein nytte bil for å transportere passasjerar og gods frå kai og inn i landet.
Firda Billag vart stifta 18. desember 1920 for å få ein effektiv passasjer- og godstransport med bil frå kai i Vadheim ved Sognefjorden, og nordover i fylket, via Førde til Sandane samt på sidevegane som kunne køyrast med bil. Selskapet sin første bil var ein Adler 1913-modell som også i dag er i selskapet sitt eige
Som ein samanslutning av mange transportselskap i Sogn og Fjordane femnar Firda Billag derfor ei rik historisk reise gjennom regionen si utvikling i samferdsle og samfunnsliv i 100 år. Selskapet har eit rikhaldig historisk arkiv og fleire veterankøyretøy som administrerast og lagrast ved hovudkontoret i Førde. Nedanfor er ein oversikt over dei viktigaste milepælane i historia vår.